“Neftçi”yə fiziki hazırlıq üzrə yeni məşqçi təyin olunub.
Korner.az-ın məlumatına görə, bu, rumıniyalı mütəxəssis George Karmel Barbuleskudu.
45 yaşlı məşqçi buna qədər Rumıniyada “Rapid”, “Astra” və “Vasluy” kimi klublarda çalışıb.
Karmel Barbulesku “Neftçi”nin bu gün keçirilən məşqində komanda üzvlərinə təqdim olunub. Klub prezidenti Sadıq Sadıqov fiziki hazırlıq üzrə məşqçini komanda üzvlərinə təqdim edib. Sadıqov rumıniyalı məşqçiyə yeni işində uğurlar arzulayıb. O, yeni məşqçinin gəlişi ilə komandanın daha da güclənəcəyinə əminliyini bildirib. (klub saytı)
