“Neftçi” yoxlama oyunu keçirəcək
08.09.2018 , 13:58
Milli komandaların oyunları ilə əlaqədar yaranmış fasilədən istifadə edən “Neftçi” yoxlama oyunu keçirəcək.
Paytaxt təmsilçisinin rəqibi I Divizionda çıxış edən “Neftçi-2” kollektivi olacaq.
Sentyabrın 9-da “Türk Hava Yolları Futbol Mərkəzi”ndə baş tutacaq görüş saat 11:00-da start götürəcək.
Qeyd edək ki, “Neftçi” Topaz Premyer Liqasının IV turunda evdə “Keşlə” ilə üz-üzə gələcək. Qarşılaşma sentyabrın 16-da baş tutacaq.
