Bu gün Topaz Premyer Liqasının 22-ci turunun oyunları keçiriləcək.
Korner.az-ın məlumatına görə, turun açılış matçında "Sumqayıt" və AZAL üz-üzə gələcək. Sumqayıt şəhər stadionunda keçiriləcək görüşün start fiti saat 16:00-da veriləcək.
Günün digər qarşılaşması paytaxtda keçiriləcək. "İnter Arena"da "İnter" "Bakı"nı qəbul edəcək. Bu oyun saat 17:00-da başlayacaq. Lider "Qarabağ" öz meydanında "Simurq"u sınağa çəkəcək. Mövsümün ikinci yarısına qələbə ilə başlayan komandaların dueli maraqla gözlənilir.
Turun maraq doğuran digər oyunu Qəbələdə baş tutacaq. Burada şəhərin eyniadlı klubu "Neftçi" ilə münasibətlərinə aydınlıq gətirəcək. Son turda səfərdə "Simurq"a uduzan "Qəbələ" doğma meydanda 3 xal qazanmağa çalışacaq. Ötən turda "Xəzər Lənkəran"a qalib gələn "Neftçi" klubu da qələbənin ardını gətirmək niyyətindədir.
15 fevral (bazar)
Premyer Liqa, 22-ci tur
16:00. “Sumqayıt” – AZAL 0:0
Hakimlər: Rəhim Həsənov, Rəvan Həmzəzadə, Coşqun Həsənov, Xəlil Xəlilov
Sumqayıt şəhər stadionu.
17:00. “İnter” – “Bakı” 4:0
Qollar: Baçana Sxadadze, 3-pen., Əfran İsmayılov, 7, 38, Junior Nildo, 54
Hakimlər: Vüsal Əliyev, Munis Abdullayev, Vüsal Qənbərov, İnqilab Məmmədov
Bakı. “İnter Arena”.
18:00. “Qəbələ” – “Neftçi” 1:3
Qol: Mendi, 10, Vobay 58, Silva Kruz 70, Flavinyo 87
Hakimlər: Elvin Əsgərov, Namiq Hüseynov, Mübariz Haşımov, Zeynal Zeynalov
Əlavə köməkçi hakimlər: Əliyar Ağayev, Ramil Əhmədov
Qəbələ şəhər stadionu.
18:00. “Qarabağ” – “Simurq” 1:0
Hakimlər: Ramil Diniyev, Yaşar Abbasov, Azər Əsgərov, Rza Məmmədov
Əlavə köməkçi hakimlər: Orxan Məmmədov, Fariz Yusifov
Tofiq Bəhrəmov adına Respublika stadionu.
QOL: Reynaldo Silva, 24
