“Rəvan” Topaz Premyer Liqasının ikinci turunda “Neftçi” ilə qarşılaşacaq.
Korner.az-ın klubun rəsmi saytına istinadən verdiyi məlumata görə, komanda dünəndən bu oyunun hazırlıqlarına başlayıb.
Məşqlər “Bayıl stadionu”nda keçirilir. Bu günə komandanın 2 hazırlığı nəzərdə tutulmuşdu ki, onlardan da biri artıq baş tutub. Səhər məşqi fiziki hazırlığın yüksəldilməsinə hesablanmışdı. Futbolçular belə desək, sürət məşqi üzərində çalışıb.
Qaçış hərəkətlərinin üstün olduğu məşqdə digər fiziki çalışmalar da həyata keçirilib. Axşam məşqi isə taktiki-texniki olacaq. Baş məşqçi Ramil Əliyev yetirmələrinin qol epizodlarından istifadə əmsalını yüksəltmək üçün 4 qapılı futbol oynatmağı planlaşdırır. Təbii ki, müxtəlif formalı toplu çalışmalara da yer ayrılacaq.
