Avropa Liqasının qrup mərhələsinin son matçını səfərdə İyaliya "İnter"inə qarşı keçirəcək "Neftçi"nin müdafiə xətti Bakıdakı oyundan fərqli Uesli Sneyderə qarşı mübarizə aparmalı olacaq.
Korner.az-ın məlumatına görə, "neradzurra"nın aparıcı siması sabahkı matçda "ağ-qaralar"a qarşı forma geyinəcək.
Milan təmsilçisinin baş məşqçisi Andrea Stramaccioni hollandiyalı yarımmüdafiəçiyə sabahkı oyunda şans verəcək.
Xatırladaq ki, Sneyderin qış transfer pəncərəsində "İnter"dən maaşın azlığına görə gedəcəyi haqda xəbərlər dolaşsa da, klubun prezidenti Massimo Moratti onu klubda saxlayacağını deyib.
