Korner.az-ın Çempionlar Liqasının 2013-2014-cü illər mövsümündə ”Neftçi“nin rəqibi olacaq Albaniyanın “Skenderbreu” klubu haqqında qısa arayışı
80 min əhalisi olan Korçe şəhərini təmsil edir.
1909-cu ildə yaradılıb.
Rəngləri qırmızı-qaradır.
Oyunlarını 12 minlik “Skenderbreu” stadionunda keçirir.
Ləqəbi “Qar canavarları”dı.
Tarixi ərzində 4 dəfə çempionluq yaşayıb (1933, 2010–2011, 2011–2012, 2012–2013). 2011-ci ildə ölkə
superkubokunu muzeyinə aparıb.
Avrokuboklarda 2 dəfə iştirak edib və 4 oyun keçirib. Bunlardan yalnız birində qalib gəlib. 2011–2012-ci illər mövsümündə Kipr APOEL-i ilə Çempionlar Liqasının ikinci təsnifat mərhələsində üz-üzə gələn “Skenderbeu” ilk oyunda 0:2, cavab matçında isə 0:4 hesabıyla uduzaraq yarışı tərk edib. “Flaqman”ın rəqibi ötən il də Albaniyanı ÇL-də təmsil edib. Ancaq bu təmsilçilik də uğursuz olub. Belə ki, komanda yenə ikinci mərhələdən qoşulduğu yarışın ilk oyununda Macarıstanın “Debretsen” klubunu 1:0 hesabıyla məğlub etsə də, cavab oyununda macarlar 3:0 hesablı qələbə qazanmaqla mərhələ adlayıblar.
Son mövsümdə heyətindəki 23 futbolçudan 7-si əcnəbi olub: 1 braziliyalı, 1 malili, 1 nigeriyalı, 3 xorvat və 1 serb.
Son mövsümdə komandanın bombardiri xorvat Pero Periçdi – 12 qol.
Komandanın baş məşqçisi Mirel Yosadı. O bu postda ötən ilin iyulundan çalışır
