“Neftçi” toplanışı iki məşqlə davam etdirir
13.01.2021 , 20:29
“Neftçi” təlim-məşq toplanışının ikinci mərhələsini gündə iki məşq olmaqla davam etdirir.
Korner.az xəbər verir ki, komanda üzvləri proqrama uyğun olaraq bu gün də iki məşqə çıxıblar.
“Türk Hava Yolları Futbol Mərkəzi”ndə keçirilən səhər məşqində əsasən fiziki, “Bakcell Arena”da baş tutan axşam məşqində isə toplu çalışmalar yerinə yetirilib.
Qeyd edək ki, yanvarın 10-da toplanış çərçivəsində “Kəpəz”lə qarşılaşan “Neftçi” ikinci sınaq matçını “Keşlə”yə qarşı keçirəcək. Ayın 14-də saat 17:00-da “Bakcell Arena”da baş tutacaq oyun “Neftçi TV” və “CBC Sport” vasitəsilə canlı yayımlanacaq.
