“Neftçi” “Slovan”a uduzdu
23.01.2019 , 18:48
Antalyada təlim-məşq toplanışında olan “Neftçi” bu gün növbəti yoxlama oyununu keçirib.
“Ağ-qaralar” Çexiyanın “Slovan” (Liberets) klubu ilə üz-üzə gəlib. Görüş rəqibin 2:1 hesablı qələbəsi ilə başa çatıb.
Qeyd edək ki, bu, “Neftçi”nin Antalyada 2-ci sınağı olub. Paytaxt klubu yanvarın 18-də Rumıniya təmsilçisi “Qaz Metan”ı 3:0 hesabı ilə məğlub edib. “Ağ-qaralar” yanvarın 26-da son sınaq matçında Bolqarıstanın “Beroe” klubu ilə qarşılaşacaq.
Yoxlama oyunu
23 yanvar
16:30. “Neftçi” (Azərbaycan) – “Slovan” (Liberets, Çexiya) – 1:2
Qol: Mirabdulla Abbasov, 21
Antalya
