“Neftçi” – “Şkupi”: hakimlər açıqlandı
17.08.2020 , 17:43
Avropa Liqasının I təsinfat mərhələsində keçiriləcək “Neftçi” – “Şkupi” (Şimali Makedoniya) matçının hakimləri açıqlanıb.
Korner.az xəbər verir ki, görüşü latviyalı hakimlər briqadası idarə edəcək. Matçın baş hakimi Aleksandrs Qolubevs olacaq. Ona Raymonds Tatriks və Yevgeni Morozovs kömək edəcəklər. Dördüncü hakim funksiyasını Artis Kenins yerinə yetirəcək.
Avqustun 27-də “Bakcell Arena”da keçiriləcək qarşılaşmanın start fiti 20:00-da səslənəcək.
