Topaz Premyer Liqasının daha 3 klubunda əcnəbi idman direktorlarının kimliyi müəyyənləşib.
Korner.az-ın məlumatına görə, bu gün hollandiyalı Yan Versleiyen “Neftçi”, almaniyalı Peter Neustadter “Rəvan” klubuna təqdim olunub.
Daha bir hollandiyalı mütəxəssis Yon van Loen isə bu həftə “Qarabağ”ın idman direktoru vəzifəsində fəaliyyətə başlayacaq. Bunadək isə Daril Villard (İngiltərə) AZAL, Frank Bernhardt (Almaniya) “Sumqayıt”, Spittler Torsten (Almaniya) “İnter” klubunda AFFA tərəfindən təyin olunan idman direktoru vəzifəsində fəaliyyətə başlayıb. “Qəbələ”də isə Stenli Brard (Hollandiya) idman direktoru kimi işini davam etdirir.
Qeyd edək ki, AFFA-nın İcraiyyə Komitəsinin 2013-cü il dekabrın 18-də keçirilmiş iclasında qəbul olunmuş qərarlardan biri də Premyer Liqada çıxış edən klublarda uşaq və yeniyetmə futbolu ilə bağlı fəaliyyət göstərmək üçün AFFA tərəfindən idman direktoru təyin olunması idi. Direktorların məvacibi AFFA-nın hesabına ödənilir. Klublarda bu istiqamətdə görülən işlərin AFFA tərəfindən monitorinqi aparılacaq və bunun nəticəsinə əsasən klublara vəsait ayrılacaq.
