Dünən baş məşqçisi istefaya gedən “Neftçi”də daha bir dəyişiklik baş verib.
Korner.az-ın məlumatına görə, “ağ-qaralar”ın vitse-prezidenti Tahir Süleymanovun klubla əlaqələrinə son qoyulub.
“Koper”lə Bakıdakı matçdan sonra istefa verən Süleymanovun istefası qəbul olunsa da, o, təhvil-təslim işlərinə görə klubla əlaqələrini prezidentin müşaviri simasında saxlayırdı.
Əvəzində “flaqman”ın prezidentinə yeni müşavir təyin edilib. Bu, əvvəllər klubun Mətbuat və İctimaiyyətlə Əlaqələr Departamentinin rəhbəri olmuş Elnur Əşrəfoğludu. Onun ümumi məsələlər üzrə müşavir təyin edildiyi bildirilir.
