“Neftçi”nin kapitanı Rəşad Sadiqov “İnter”lə oyun qabağı təşkil olunan mətbuat konfransında paytaxt derbisi öncəsi açıqlama verib.
Korner.az-ın məlumatına görə, kapitan oyunun asan olmayacağını bildirib:
“Sabahkı oyun bizim üçün çox vacibdir. Çox istəyirik ki, qələbə qazanıb türnir cədvəlində birinci yerə qalxaq. Həm biz,həm də klub rəhbərliyi birinci yer üçün darıxmışıq. Neçə vaxtır ki, turnir cədvəlinə başçılıq etmirik.
Bilirik ki, “İnter”ə qarşı bizi asan oyun gözləmir. Rəqibin güclü müdafiəsi var. Yaxşı əks-hücumlar təşkil edirlər. Komanda şəklində yaxşı təsir bağışlayırlar. Lakin fərdi oyun göstərən oyunçuları çox azdır. Adamiyanın adını qeyd edə bilərəm. O da sabah meydana çıxmayacaq. Qələbə qazanmaq üçün əlimizdən gələni edəcəyik”.
