“Neftçi” PFK 11 yanvar tarixindən etibarən Türkiyənin Antalya şəhərində təlim-məşq toplanışına başlayacaq. Hazırlıq çərçivəsində komandanın keçirəcəyi 5 yoxlama oyunu barədə məlumat vermişdik.
Korner.az klubun saytına istinadən xəbər verir ki, “Neftçi” sonuncu, 6-cı sınaq matçını, ötən mövsüm Rumıniya çempionatının bürünc medallarını qazanmış “Petrolul” Ployeşti komandasına qarşı keçirəcək. Oyun 23 yanvar tarixində baş tutacaq. Qeyd edək ki, bütün yoxlama görüşləri “Mardan İdman Kompleksi”nin stadionunda təşkil olunacaq.