“Neftçi” MOİK-ə qalib gəldi
16.01.2020 , 17:08
“Neftçi-2” təlim-məşq toplanışı çərçivəsində ikinci yoxlama oyununu keçirib.
Korner.az xəbər verir ki, əvəzedicilər MOİK-ə 4:0 hesabı ilə qalib gəliblər. “Türk Hava Yolları Futbol Mərkəzi”ndə baş tutmuş görüşdə qollara Dario Frederiko, Muxtar Əliyev, Elnur Süleymanov və Asim Əlizadə imza atıblar.
Toplanış çərçivəsindəki ilk sınaq matçında “Qaradağ Lökbatan”ı 3:2 hesabı ilə məğlub etmiş “Neftçi-2” yanvarın 24-ü “Qarabağ-2”, 30-u isə “Sabah-2” ilə qarşılaşacaq.
