“Neftçi”ylə “Xəzər Lənkəran” arasında keçirilmiş ölkə kubokunun final matçından sonra dava-dalaşda iştirak edən “ağ-qaralı” klubun futbolçu və işçiləri həftə sonu Lənkərana aparılmayacaqlar.
Korner.az-ın məlumatına görə, bu qərarı qalmaqalın yenidən alovlanmasını istəməyən “Neftçi” rəhbərliyi verib.
Xatırladaq ki, baş vermiş insidentə görə AFFA İntizam Komitəsi “Neftçi”nin iki futbolçusunu – Saşa Stamenkoviçlə Mahir Şükürovu (müvafiq olaraq 3 və 6 oyun), klubunun operatoru Dadaş Zeynalovu, təhlükəsizlik xidmətinin rəisi Vaqif Musayevi, məşqçisi Neboşa Manoloviçi və təhlükəsizlik xidmətinin 3 üzvü: Əsgərov Elnur, Ağayev Şəhriyar və Seyidov Mirramini (hamısı – 12 oyun) cəzalandırılması barədə qərar çıxarmışdı. Komandanın rəisi Güloğlan Cabbarov isə klubda tutduğu vəzifəsindən azad edildiyi üçün Komitə tərəfindən cəzalandırılmamış, kluba cərimə kəsmişdi.
Qeyd edək ki, bu komandalar arasında IV turun oyunu avqustun 25-də keçiriləcək.
Məsələylə bağlı “Neftçi”nin münasibətini öyrənməyə çalışırıq. Saytımızı izləyin…