“Qarabağ” Azərbaycan derbisində “Neftçi”ni səfərdə məğlub edərək həm də 3-cü pillədə yerini möhkəmləndirdi.
Korner.az-ın klubun rəsmi saytına istinadən verdiyi məlumata görə, bu zəfər eyni zamanda cari mövsümdə “ağ-qaralar” üzərində qazanılmış ardıcıl 3-cü qələbə oldu.
“Qarabağ”ın bu uğurun təməli əslində daha öncədən atılmışdı. Daim komandasının yanında olan vitse-prezident Tahir Gözəl bu dəfə də ənənəsinə sadiq qalaraq oyundan öncə idari, texniki, inzibati heyəti bir araya toplamış və komanda ruhunu bir daha nümayiş etdirmişdi.
Komandaya tam dəstəyini nümayiş etdirən başqan Azərbaycan derbisi haqqında söhbətdən sonra mövsümün ilk 2 derbisindəki qələbədən danışmışdı..
Tahir Gözəl:
– Biz tarix boyunca “Neftçi”ni 3 dəfə ardıcıl məğlub etmişikmi?
Qurban Qurbanov:
– Derbi tarixində heç kim ardıcıl 3 qələbə qazana bilməyib.
Tahir Gözəl:
– Heç kim bacarmayib?
Nurlan İbrahimov:
– Derbi tarixində ən böyük seriya “Qarabağ”a məxsusdu. “Qarabağ” 2006-2010-cu illər arasında “Neftçi”yə 11 oyun və ya 1873 gün məğlub olmayıb. Amma tarix boyu heç kim 3 qələbə qazanmayıb.
Tahir Gözəl:
– Qurban hoca, sabah mən “Qarabağ”dan bir ilki gözləyirəm! Hədəfimiz 3-də 3 olmalıdı!
