Premyer Liqanın XXVII turu çərçivəsində səfərdə "Neftçi" ilə qarşılaşacaq "Qəbələ" bu oyun öncəsi ciddi itki ilə üzləşib.
Korner.az-ın məlumatına görə, komandanın yarımmüdafiəçisi Ceyhun Sultanovun "ağ-qaralar"la oyunda meydana çıxmayacağı dəqiqdi. Amit Quluzadənin də "Neftçi"yə qarşı oynamayacağı bildirilir.
Əyalət klubunun digər futbolçuları Lurival Assis, Viktor Mendi və Şəhriyar Xəlilov da zədəlidilər. Adıçəkilən futbolçuların qarşılaşmada iştirak edib-etməyəcəyi oyun saatına kimi müəyyənləşəcək.
