“Neftçi” hücumçusunu göndərdi
06.06.2021 , 18:48

“Neftçi” futbolçusu Ahmed Ahmedovla yollarını ayırıb.
Korner.az xəbər verir ki, bu barədə klubun rəsmi saytı məlumat yayıb. Hücumçunun başa çatan müqaviləsi yenilənməyib.
Bakı təmsilçisi türk əsilli bolqarıstanlı futbolçuya göstərdiyi xidmətə görə təşəkkür edib, gələcək karyerasında uğurlar arzulayıb.
Qeyd edək ki, Ahmedov fevral ayından “Neftçi”də 9 oyunda 1 qol vurub.
