Ölkəmizi Çempionlar Liqasında təmsil edəcək “Neftçi” komandadan ayrılan Nikolas Kanalesin boşluğunu doldurmaq üçün Hollandiyadan hücumçu transfer edə bilər.
Korner.az-ın məlumatına görə, bu barədə “The Telegraph” qəzeti məlumat yayıb.
Xəbərdə bildirilir ki,paytaxt klubu NEK-in hücumçusu Melvin Platjenə maraq göstərir. Artıq tərəflər arasında danışıqlar baş tutub və “ağ-qaralar” futbolçudan son qərarı gözləyir..
Qeyd edək ki, 24 yaşlı Platjenin NEK-lə 2014-cü ilin iyun ayına qədər müqaviləsi var. O, 2011/12 mövsümündə çıxdığı 52 oyundan 13 qol vurub. Ötən mövsüm isə NEK-in yeni baş məşqçisi Aleks Pastoorla problemi yarandığı üçün əsas heyətdə yerini itirib.
Xatırladaq ki, Nikolas Kanalesin gedişindən sonra “Neftçi”də hücumçu problemi yaranıb. Klub rəhbərliyi Çempionlar Liqasının oyununa qədər yeni əcnəbi forvard alacağını bəyan edib.
