Avropa Liqası turnirinin qrup mərhələsi çərçivəsində "Partizan"la qarşılaşacaq "Neftçi" dünən Serbiyaya yola düşüb.
Korner.az– ın məlumatına görə , komandanı aparan təyyarə səhər saatlarında Belqrada enib.
Daha sonra komanda üzvləri Belqradın "Taş meydanı" adlanan ərazisindəki parkda Azərbaycanın Ümummilli lideri Heydər Əliyevin abidəsini ziyarət ediblər. Klub rəhbərliyi, məşqçilər və futbolçular abidə önünə gül dəstələri qoyublar.
Qeyd edək ki, "Partizan" – "Neftçi" oyunu sentyabrın 20-də Bakı vaxtı ilə saat 00.05-də başlayacaq.
