"Neftçi"nin Çempionlar Liqasının III təsnifat mərhələsinin cavab oyunu çərçivəsində doğma azarkeşlər önündə İsrail çempionu "Hapoel" (İroni Kiryat) ilə matçının başlama saatı açıqlanıb. Korner.az UEFA-nın rəsmi saytına istinadən verdiyi məlumata görə, avqustun 8-də saat 21:00-da başlayacaq.
"Dalğa Arena"da qarşılaşma litvalı referi Gediminas Mazeykaya həvalə olunub. Lakin bu oyunda Mazeykaya kimlərin kömək edəcəyi hələlik məlum deyil.
Qeyd edək ki, bu komandalar arasında İsraildə keçiriləcək ilk oyun isə avqustun 1-də, Bakı vaxtı ilə saat 21:30-da başlayacaq.
