“Neftçi”nin müdafiəçisi Melli və hücumçusu Ruslan Kurbanov klubun rəsmi saytına açıqlama verib.
Korner.az-ın məlumatına görə, ispan futbolçu “Mladost” klubu ilə cavab oyunu öncəsi fikirlərini bildirib:
“Bizi çətin oyun gözləyir. İlk növbədə qol buraxmamağa çalışmalıyıq. Müdafiədə ağıllı oynayıb, sadə səhvlər etməməliyik. Çünki qol vurmaq ucun şanslarımız olacaq. Qapımızın toxunulmazlığını qoruyub, əlimizə düşən imkanların birindən istifadə edə bilsək, bu bizə mərhələ adlamağa kifayət edəcək”.
Ruslan Kurbanov da qələbəyə ümidli olduğunu bildirib:
"Asan oyun olmur. Amma, mərhələni məhz "Neftçi"nin adlayacağına inaniram. Biz Monteneqroya elə-belə gəlməmişik. "Mladost" yəqin ki, müdafiədən oynayacaq. Çunki, nəticəni düşünəcəklər. Əgər ilk 15 dəqiqə ərzində qol vura bilsək bu əla olacaq, amma, tələsməməliyik. İstənilən halda imkanlarımız olacaq. Səbrlə oynayıb imkanlarımızdan yararlanmağa çalışmalıyıq. Düşünürəm ki, bizim mərhələ adlamaq şansımız daha çoxdur".
