Bu gün Çempionlar Liqasında III təsnifat mərhələsinin cavab qarşılaşması çərçivəsində "Neftçi" İsrail çempionu “Hapoel”i qonaq edib.
Korner.az-ın məlumatına görə, ilk oyunda bərbad futbol nümayiş etdirən "ağ-qaralar" bunun məntiqi nəticəsi kimi 0:4 hesablı məğlubiyyətə düçar olmuşdular.
Təmsilçimiz ən azından qələbə qazanaraq azarkeşlərinə sevinc bəxş etmək istəyirdi ki, buna da nail ola bilməyiblər.. Görüşdə hesabı "Neftçi" açıb. İkinci hissədə "Hapoel" hesabı bərabərləşdirməyə müvəffəq olub. Cavid İmamverdiyevin sayəsində komandamız yenidən önə keçsə də qonaqların heyətində Lenkse son saniyədə vurduğu qolla oyunda tarazlığı bərpa edib.
"Neftçi" qitənin ən nüfuzlu klub turnirində mübarizəni dayandıraraq yoluna Avropa Liqasında davam edəcək.. Həmin yarışda son təsnifat mərhələsi matçları isə avqustun 23-də və 30-da keçiriləcək.
Çempionlar Liqası, III təsnifat mərhələsi
Cavab oyunu
8 avqust
21:00. “Neftçi” (Azərbaycan) – “Hapoel” (İsrail) 2:2
Qollar: Vobay (31), Cavid İmamverdiyev (76) // Barak Badaş (51), Lanzio Lenkse (90)
Baş hakim: Martin Stromberqsson (İsveç)
Bakı. “Dalğa Arena” stadionu
İlk oyun – 0:4
