Topaz Premyer Liqasının 18-ci turunda AZAL doğma meydanda “Neftçi” ilə qarşılaşdı. Rəqibinə 0-2 hesabı ilə məğlub olan “Neftçi” qış fasiləsinə lider kimi getmək imkanını əldən verdi.
Korner.az-ın məlumatına görə, matçdan sonra təşkil olunan mətbuat qonaq komandanın baş məşqçisi Nazim Süleymanov iki qırmızı vərəqənin oyunu sındırdığını bilidirb:
“Nəticə məni qane etmir, hakimlər haqqında danışmağa məcburam. Oyunda üstün oynadıq, lakin qısa zamanda futbolçularımıza göstərilmiş iki qırmızı vərəqə oyunu “sındırdı”. Futbolçular hisslərinə hakim olmalıdır. Nəticə tarixdə qalacaq. Artıq irəliyə baxmalıyıq, qarşıda 18 oyunumuz var. Bizim çempion olmağımızı istəməyən varsa, desin, rəhbərliklə danışaq. Rəqib qapıçıya cərimə meydançasından kənarda əl ilə oynadığı üçün qırmızı vərəqə verilməli idi. Bir nəfərin səhvindən vurulan qol bütün komandaya təsir edir. Futbolçular daha diqqətli oynamalıdır. “Neftçi” bu oyunda məğlub olmadı, məğlub etdilər. Hər bir məşqçiyə zaman lazımdır”.
