UEFA Avropa Liqasının qrup mərhələsi çərçivəsində oktyabrın 4-də Bakıda İtaliya "İnter"i ilə qarşılaşacaq son ölkə çempionu "Neftçi" rəqibinə qol vura bilməyəcək. Araşdırmalara görə statistika bunu göstərir. Belə ki, Milan şəhərinin təmsilçisi öz meydanında istənilən rəqibə qol vurmaq imkanı yaradırsa eyni sözləri səfər oyunu haqda demək olmur.
Andrea Stramaççioninin rəhbərlik etdiyi komanda səfər oyunlarında rəqiblərinə nə xal verir, nə də qol vurmaq imkanı. "İnter" avrokuboklar və A seriyasının oyunları daxil son 5 oyunda qapısında qol görməyib. Belə ki, "neradzura" Avropa Liqasının üçüncü turunda Xorvatiyanın "Hayduk" klubuna səfərdə 3:0 hesabı ilə qalib gəlib. Yalnız xorvatlar "San Siro"da "İnter"ə iki cavabsız qol vurmağa nail olmuşdu.
Avroliqanın "pley-off" mərhələsində "İnter" Rumıniyanın "Vaslui" klubunu səfər meydanında 2:0 hesabla məğlub edib, yenə öz meydanında qələbəyə həsrət qaldı – 2:2. Lakin bir maraqlı məqam "İnter"in Avroliqada son 3 ev oyunlarında qələbə qazana bilməməsidi.
"Neftçi"nin rəqibi A sriyasında da səfərdə ən yaxşı göstəriciyə malik komandadı. Belə ki, Milan şəhərinin təmsilçisi səfərdə keçirdiyi 3 oyunda maksimum xal toplayaraq rəqiblərinə bir qol belə hədiyyə etməib. – 9 xal, 7-0.
Əgər bu statistik göstəricilər belə davam etsə "Neftçi" 1 həftə sonra Bakıda baş tutacaq oyunda nə "İnter"dən xal ala bilər, nə də qol vurmağı bacarar. Lakin "İnter"in bu "adət-ənənəsi" belə davam etsə "Neftçi" İtaliyadakı oyunda rəqibindən xal və ya xallar almalıdır.
Lakin bir maraqlı məqam isə "Neftçi"nin Avroliqada doğma meydanda keçirdiyi oyunların hamısında qol vura bilməsidi.
SƏXAVƏT QURBANOV