“Neftçi” azarkeşlərinə görə 4000 manat cərimələndi, Bordinə 1 oyun cəza
04.12.2019 , 14:22
AFFA İntizam Komitəsinin iclası keçirilib. Müzakirələrdən sonra Premyer Liqanın XIII turunda baş verənlərlə bağlı aşağıdakı qərarlar qəbul edilib:
“Keşlə” – “Sumqayıt” matçında qonaq komandanın 5 futbolçusu sarı vərəqə ilə cəzalandığı üçün klub 800 manat cərimə olunub.
“Qəbələ” – “Zirə” matçında meydan sahiblərinin 5 futbolçusu sarı vərəqə ilə cəzalandığı üçün klub 800 manat cərimə edilib.
“Səbail” – “Neftçi” matçında meydan sahiblərinin futbolçusu Eltun Yaqublu ilə qonaqların meneceri Qədir Həsənov arasında mübahisə baş verdiyi üçün hər iki şəxsə xəbərdarlıq olunub. Bu hal yenidən təkrarlanacağı təqdirdə onları cəza gözləyir.
Oyun başa çatdıqdan sonra “Neftçi”nin azarkeşləri tərəfindən təhqiramiz ifadələr, qeyri-etik şüarlar səsləndiyinə görə klub 4000 azn cərimə olunur;
“Neftçi”nin baş məşqçisi Roberto Bordin 4-cü sarı vərəqəsini aldığına görə 1 oyun cəzalanıb.
Oyun başa çatdıqdan sonra meydançaya kənar şəxslər daxil olduğuna görə meydan sahibi klub 1600 manat cərimələnib.