“Neftçi” və “Qarabağ” azarkeşlərə görə cəzalandırıldı
09.12.2022 , 15:44
AFFA İntizam Komitəsinin iclası keçirilib.
Korner.az xəbər verir ki, Azərbaycan Premyer Liqasının XVI turunda yaşananlarla bağlı aşağıdakı qərarlar qəbul edilib.
“Neftçi” – “Qarabağ” oyununda meydan sahiblərinin azarkeşləri tərəfindən təhqiredici ifadələrin işlənməsinə görə klub 4000 manat cərimə olunub.
“Qarabağ” azarkeşləri tərəfindən pirotexniki vasitədən istifadə edilməsinə görə klub 800 manat cərimə edilib.
“Sabah” – “Şamaxı” oyununda meydan sahiblərinin oyunçusu Kristian Sebalyos təcavüzkar davranışa görə birbaşa qırmızı vərəqə aldığına görə 2 oyun cəzalanıb, klub 1600 manat cərimə edilib.
“Şamaxı”nın oyunçusu Elçin Mustafayev ciddi qayda pozuntusuna görə birbaşa qırmızı vərəqə aldığı üçün 2 oyun cəzalanıb, klub 1600 manat cərimələnib.
“Kəpəz” – “Sumqayıt” oyununda gəncəlilərin qapıçısının formasında qüsur olduğu üçün oyun vaxtında başlanmadığına görə klub 800 manat cərimə edilib.
“Sumqayıt”ın oyunçusu Vüqar Mustafayev ikinci sarı vərəqə alaraq meydançadan qovulduğu üçün 1 oyun cəzalanıb, klub 200 manat cərimə olunub.
