İntizam Komitəsinin bu gün keçirilən iclasında aşağıdakı qərarlar qəbul edilmişdir:
Korner.az-ın məlumatına görə, 28 fevral 2014-cü il, 2013/2014 mövsümündə, XXII Topaz Premyer Liqasının XXIV turunun “Neftçi” – “Qarabağ” matçının 62-ci dəqiqəsində “Neftçi” klubunun 7 №-li futbolçusu Araz Abdullayevə aqressiv oyuna görə birbaşa qırmızı vərəqə göstərilmişdir. Lakin matçın videoyazısını izlədikdə futbolçunun həmin epizodda rəqibə qarşı aqressiv oynamadığı və hakimin epizodu düzgün qiymətləndirmədiyi aşkar edilmişdir. Bu səbəbdən də, İntizam Komitəsi Topaz Premyer Liqasının XXIV turu çərçivəsində baş tutan “Neftçi” – “Qarabağ” matçında “Neftçi” klubunun 7 №-li futbolçusu Araz Abdullayevə göstərilmiş qırmızı vərəqəni ləğv edir (maddə 19.2).
Hakimlər Komitəsi matçın hakimləri haqqında lazımi ölçü götürüb İntizam Komitəsinə məlumat versin.
Oyunun 1-ci dəqiqəsində “Qarabağ” klubunun, matçın 62-ci dəqiqəsində isə “Neftçi” klubunun azarkeşləri tərəfindən meydançaya kənar əşya atıldığı üçün klublar 2000 manat cərimə olunur (maddə 52).
Topaz Premyer Liqasının XXIV turunun “Bakı” – “Sumqayıt” matçının 60-cı dəqiqəsində “Sumqayıt” klubunun 15 №-li futbolçusu Nodar Məmmədov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).
Topaz Premyer Liqasının XXIV turunun “Rəvan” – AZAL matçının 46-cı dəqiqəsində “Rəvan” klubunun 30 №-li futbolçusu Cəmşid Məhərrəmov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).
Oyunun 75-ci dəqiqəsində AZAL klubunun 4 №-li futbolçusu Joze Junior Ailton sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).
Matçın 85-ci dəqiqəsində AZAL klubunun 17 №-li futbolçusu Viktor İqbekoyi idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).
Əvəzedici heyətlərin XXIV turunun “Xəzər Lənkəran” – “İnter” matçının 78-ci dəqiqəsində “İnter” klubunun 14 №-li futbolçusu Asif Mirili idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48).
Azərbaycan I Divizionunun XIX turunun “Şahdağ” – “Şuşa” matçında “Şuşa” klubunun 4 futbolçusu sarı vərəqə cəzalandığı üçün klub 100 manat cərimə olunur (maddə 40).
Oyunun 90-cı dəqiqəsində “Şuşa” klubunun 18 №-li futbolçusu İlkin Cəlalzadə idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).
Azərbaycan I Divizionunun XIX turunun “Mil-Muğan” – “Şəmkir” matçında “Mil-Muğan” klubunun 5 futbolçusu sarı vərəqə cəzalandığı üçün klub 100 manat cərimə olunur (maddə 40).
Azərbaycan I Divizionunun XIX turunun “Bakılı” – MOİK matçında MOİK klubunun 4 futbolçusu sarı vərəqə cəzalandığı üçün klub 100 manat cərimə olunur (maddə 40).
Oyunun 74-cü dəqiqəsində MOİK klubunun məşqçisi Namiq Adilov texniki zona qaydalarını pozduğuna görə meydandan kənarlaşdırıldığı üçün 1 oyunluq cəzalanır, klub 100 manat cərimə olunur (maddə 62).
