Topaz Premyer Liqasında çempionluğu vaxtından əvvəl təmin etmiş “Neftçi” həm də 59 qolla çempionatın ən məhsuldar komandasıdır.
Korner.az-ın klubun saytına istinadən yaydığı xəbərə görə, “ağ-qaralar” keçirdiyi 31 oyunun cəmi 3-də fərqlənə bilməyib. Son 16 turdur ki, “Neftçi” meydanı qol vurmadan tərk etmir. Bununla yanaşı “Neftçi” ayrı-ayrılıqda ev və səfər oyunlarında vurduğu qolların sayına, eləcə də topladığı xallara görə bütün rəqiblərini qabaqlayır.
Paytaxt təmsilçisi doğma meydanda 38, səfər qarşılaşmalarında isə 23 dəfə qol sevinci yaşayıb. “Neftçi” həm də çempionatın ən çox qələbə qazanan komandasıdır. “Flaqman” keçirdiyi 31 görüşdən 19-da meydanı 3 xalla tərk edib. İlk “altılıq”da ən az heç-heçə etmiş “ağ-qaralar” cəmi 5 matçda rəqibləri ilə sülh bağlayıb.
