"Everton"un futbolçusu olduğum üçün özümü xoşbəxt hiss edirəm. Komandanın forması ilə oyuna çıxmaq üçün həyəcanlanıram". Bu sözləri "Beşiktaş"ın futbolçusu Cenk Tosunun "Everton"a transfer olması haqda danışarkən deyib
26 yaşlı hücumçu İngiltərə Premyer Liqasında özünü doğruldacağına inandığını bildirib:
"Everton"un böyük tarixə malik olduğunu və azarkeşlərin nə istədiyini bilirəm. Necə futbolçu olduğumu onlara sübut edəcəm. İnanıram ki, Premyer Liqada yaxşı işlər görəcəm. Premyer Liqanın çətin bir çempionat olduğunun fərqindəyəm. Fiziki gücüm burada işimə yarayacaq. Eyni zamanda iki ayağımı da işlədə bilirəm"
