“Qolden Steyt”i forvardı Andre İquodalanın zədəsi ciddi deyil.
Korner.az-ın məlumatına görə, bu barədə Yahoo Sports nəşri xəbər verir.
İquodalanın dizindən ciddi zədə aldığı deyilsə də, müayinədən sonra xəsarətin ciddi olmadığına aydınlıq gəlib.
Qərb konferensiyasının final matçında “San Antonio Spörs”a qarşı keçirilən ilk oyunda xəsarət alan basketbolçunun seriyanın ikinci matçını buraxacağı deyilirdi. Lakin İquodalanın həmin matça çıxacağı gözlənilir.
“Spörs”un zədələnən basketbolçusu Kavay Leonardın durumu isə ciddidi. Onun zədəsi sağalmayıb və seriyanın ikinci matçını buraxacaq.
İlk matçda Zaza Paçuliya ilə toqquşan basketbolçu parketi vaxtından əvvəl tərk etmişdi.
