“Boston Seltiks”in oyunçusu Ayzeya Tomas NBA pley-off matçları ikinci raundda “Vaşinqton Vizards”la 7-ci oyundaki qalibiyyətdən sonra fikirlərini açıqlayıb.
Korner.az-ın məlumatına görə, Tomas qalibiyyət haqda fikirlərini ESPN nəşrinə danışıb.
İstedadlı basketbolçu şərq konferensiyasının finalında “Kleveland Kavaliyers”i məğlub edəcəklərinə inanır:
“Bizə deyirdilər ki, “Vaşinqton”a qarşı heç bir şansımız yoxdu. Eynilə “Çikaqo”ya ilk iki oyunu uduzanda da bunu dedilər. Çempionatda birinci yerdə olsaq da, insanlar hələ də bizə inanmır. Sadəcə oynamağa davam edəcəyik, bütün bu danışıqlara fikir verməyəcəyik.
Şərq konferensiyasının finalında heç vaxt olmamışam. Hazırki çempiona qarşı oynayacağıq. Ciddi hazırlaşmalıyıq. Ev oyununda üstünlüyümüz olacaq və bundan istifadə etməyə çalışacağıq. Çətin olacağını bilirik, amma hər şey ola bilər, özümüzə inanırıq”.
