Nazir Naftalanda vətəndaşları qəbul etdi
08.04.2022 , 20:41
Gənclər və idman naziri Naftalanda vətəndaşları qəbul edib
Korner.az xəbər verir ki, qəbul cədvəlinə müvafiq olaraq, gənclər və idman naziri Fərid Qayıbov aprelin 8-də Naftalan şəhərində Naftalan şəhərindən, Xocalı və Goranboy rayonlarından olan vətəndaşları qəbul edib. Qəbuldan öncə Naftalan şəhərində ümummilli lider Heydər Əliyevin abidəsi ziyarət olunub, önünə gül dəstələri qoyulub, xatirəsi ehtiramla yad edilib.
Naftalan şəhər Heydər Əliyev Mərkəzində keçirilən qəbulda nazir Fərid Qayıbov hər bir vətəndaşı diqqətlə dinləyib, müraciətlərinin həlli üçün müvafiq tapşırıqlar verib.
Qəbulda nazir müavinləri Mariana Vasileva, İndira Hacıyeva və nazirliyin məsul əməkdaşları da iştirak ediblər.
