Nazim Süleymanov: “Futbolçularımın əziyyəti bir fitlə yerə vurulur, buna yanıram”
27.10.2018 , 22:11
“Maraqlı, gərgin oyunun şagidi olduq. İlk dəqiqələrdən oyun baxımından da, hesabda da önə keçdik”. Bu sözləri “Sumqayıt”ın baş məşqçisi Nazim Süleymanov Topaz Premyer Liqasının IX turunda doğma meydanda “Qəbələ” ilə heç-heçə etdikləri matçı dəyərləndirərkən deyib.
O, hakim idarəçiliyindən narazı olduğunu dilə gətirib: “Futbol sərtliyi sevir. Buraxdığımız ilk qoldakı epizoddan öncə rəqibin qapısına penalti təyin edilməli idi. Nəyə görə komandanı sındırmalıdılar? Düzdü, bizim də səhvlərimiz var. Böyük hesabla qələbə də qazana bilərdik, məğlub da ola. Ancaq bu xal itkiləri komandamızdan gedir. Futbolçularımın əziyyəti bir fitlə yerə vurulur, buna yanıram”.
– Mehti Cənnətov hər iki qol epizodundan səhvə yol verdi. Onun çıxışından razısınız?
– Futbolda səhvsiz insan olmur. Oyunun təhlili zamanı bütün epziodları dəyərləndirəcəyik.
– Atilla Yıldırımın oyunu sizi qane edir?
– Atillanı yıxırdılar, mübarizə aparırdı. Sadəcə, hələ ki, qol vura bilmir. Hücumda top saxlamağı bacarır, gövdəsi yaxşıdır. Qol vurmasını biz də istəyirik. Lakin zamana ehtiyacı var.
– Son dəqiqələrdə say üstünlüyü qazandınız. Ancaq komandanız irəli atılmadı.
– Azlıqda olanda əks-hücum təhlükəsi yaranır. Həm də bizim hücumları görmürdünüz?
– Qalib gəlmək istəyən komanda niyə 3-cü əvəzetməyə əl atmadı?
– Əlimizdə olan futbolçulardan istifadə edirik.
Ötən turda kapitan Vurğun Hüseynovun cəzalandırılacağı barədə açıqlama verdiniz. Bu, nə dərəcədə etik idi?
– Bəs nə deməli idim? Deməli idim ki, klubun daxili işidi?
