Ölkə futbolu

Nazim Süleymanov: “Deməzdim ki, Əfran İsmayılov heç nəyə yaramadı”

11.08.2018 , 22:15

Topaz Premyer Liqası 2018/19 mövsümünə start verilib. Mövsümün ilk turunda “Neftçi” “Sumqayıt”ın qonağı olub. Matç “flaqman”ın 2:0 hesablı qələbəsi ilə yekunlaşıb.

Oyundan sonra “Sumqayıt”ın baş məşqçisi Nazim Süleymanov mətbuat konfransında jurnalistlərin suallarını cavablandırıb. O, ilk olaraq matç haqda danışıb:

“Təəssüflər olsun ki, azarkeşlərimizi sevindirə bilmədik. Bna rəğmən irəli baxmaq lazımdı. Komanda ps təsir bağışlamadı. İlk hissədə qol epizodlarımız oldu. Futbol səhvlərdən ibarətdi. Biz də səhv etdik və hesabda geri düşdük. Rəqibə yaxın oynamaq lazım idi. İKinci qolda epizodunda da səhv etdik. Təcrübəli oyunçular belə səhv etməməlidir. İlk oyun idi. Həyəcan var idi. Çempionat yeni başlayıb. İrəli baxmaq lazımdı”.

– Sizcə də, “Sumqayıt”ın əsas problemi hücumdadır?
– Bəli, hücumda axsayırıq. Ülvi İsgəndərova etibad göstərdik. Gənc oyunçudu deyə, güvəndik. Ancaq 21 yaş artıq cavan sayılmır, özünü göstərməlidir. Düşündük ki, onu əvəzləyək, ancaq imkan yaratdıq ki, oynasın. Hücum mövqeyinə mütləq oyunu gətirilməlidir.

– Əfran İsmayılov hücumçu mövqeyində sanki heç nəyə yaramadı…
– Mən deməzdim ki, heç nəyə yaramadı. Hücumçuda olan keyfiyyətlr onda var. Topu saxlaya bilir, soyuqqanlı oynayır. Ümumi probemlərə gəlincə, bizdə futbolçu çatışmazlığı var. Qapıçı mövqeyində də problemimiz var, razıyam.

– Sizcə, Aleksey Əfranın yerinə oynasaydı, daha effektli olmazdımı?
– İsayevin ikinci hücumçu kimi oynamağı daha effektlidir.

– Sizə elə gəlmirmi ki, bu müdafiə ilə mövsüm komandaya çətin olacaq?
– Futbol səhvlərdən qurulur. Çempionat yeni başlayır. Futbolçularımıza inanıram. Məğlubiyyət olanda səbəblər də çox tapılır. Marafon uzundur. Gələcək oyunlarda səhvləri düzəldəcəyik.

– Hakimlərdən razı qaldınızmı?
– Hakim də səhv edə bilər, o da insandı. Ancaq futbolun incə nüansları var ki, təsirsiz ötüşmür. Bunu biz hiss edirik. Bəzi səhvlər oldu.

– Sizcə, futbolçu problemləri öz həllini nə zaman tapacaq?
– Futbolun özəlliyi ondadır ki, məğlubiyyət olanda baş məşqçi günahkar olur. Ancaq qələbə olanda bütün komandaya yazılır. Qapıçı da dəvət etdik, bəzi səbəblərdən alınmadı. Hücumçular da vvar idi, ancaq xırda nüanslardan onların transferi də alınmadı

Son yazılar

Yuxarı