Nazim Süleymanov: “Əfran müqavilə bağlayanda demişdi ki…”
19.08.2018 , 22:45
Bu gün Topaz Premyer Liqada ikinci tura yekun vurulub
Tur çərçivəsində “Sabah” və “Sumqayıt” komandaları üz-üzə gəlib. İlk qol “Sabah”ın hesabına yazılsa da, “Sumqayıt” 4 qol ilə qalib gəlib.
Oyundan sonra jurnalistlərin suallarını cavablandıran Nazim Süleymanov bildirib ki, futbolçular onlardan nə istənildiyini bilir: “Qələbə olanda əhval da yaxşı olur. Bu əhvalı yaradan futbolçulara təşəkkür edirəm. Baxmayaraq ki, ilk qolu biz qapımızda gördük, amma toparlana bildik. Futbolçularımız onlardan nə istədiyimizi bilirlər və ona uyğun oynadılar. 5-li müdafiə sistemi oyunçuların fərdi keyfiyyətlərinə uyğun seçilmişdi. Eyforiyaya qapılmaq olmaz, bizim hamımıza aiddir bu”.
Baş məşqçi həm də Əfran İsmayılovun vəziyyətinə aydınlıq gətirib: “Əfran İsmayılov müqavilə bağlamazdan əvvəl bildirmişdi ki, sənədləşmə işim alınsa, Həcc ziyarətinə gedəcəm, biz də razılaşmışdıq. Hazırda ziyarətdədir və qayıdandan sonra komandaya qoşulacaq”.
