Bu gün Almaniya ikinci Bundesliqasında həlledici, 34-cü turun oyunları keçiriləcək.
Korner.az-ın məlumatına görə, Azərbaycan yığmasının yarımmüdafiəçisi Dmitri Nazarovun komandası – “Karlsrue” də son matçına çıxacaq.
Sözügedən komanda doğma meydanda “Münhen 1860” klubu ilə qarşılaşacaq. Hazırda 55 xalla 3-cü pillədə qərarlaşan “Karlsrue” bu görüşdə də qələbə qazansa, ya əsas Bundesliqaya birbaşa vəsiqə qazanmış olacaq, ya da elitanı tərk etməli olan “Hamburq”la pley-off oyunlarında qüvvəsini sınamaq məcburiyyətində qalacaq. Məğlub olacağı halda isə “Karlsrue” növbəti mövsümdə də ikinci Bundesliqada mübarizə aparacaq.
