“Narazılığım ikinci qolla əlaqədar idi” – “Sileks”in baş məşqçisi
18.08.2020 , 22:22
Çempionlar Liqasının I təsnifat mərhələsində keçirilən “Qarabağ” – “Sileks” oyunundan (4:0) sonra qonaq komandanın baş məşqçisi Qoran Simov jurnalistlərib suallarını cavablandırıb.
Korner.az xəbər verir ki, o, öncə oyunla bağlı fikirlərini bildirib:
“Qarabağ” yaxşı komandadı. Pis oynadığımızı düşünümürəm. Normal oynamağa çalışdıq. Bəzi şanslarımız oldu. “Qarabağ” elə komandadır ki, ona şans versən istifadə edə biləcək komandadı. Hesabın böyük olması məni məmnun etmədi. “Qarabağ”ı qrup mərhələsində görmək istəyirəm.
– Hakimdən niyə narazı idiz?
– Narazılığım ikinci qolla əlaqədar idi. Ola bilər ki, top yerdə olarkən futbolçumuzun əlinə dəymişdi. Eyni zamanda qapıçımız dedi ki, ona qarşı kobudluq var idi. Amma buna tam əmin deyiləm.
Mina Musayeva
