“Napoli” Ronald Arauxonu qışda transfer etməyi planlaşdırır
22.10.2025 , 16:22
İtaliyanın “Napoli” klubu qış transfer pəncərəsi üçün çalışmalarını davam etdirir.
Korner.az xəbər verir ki, Neapol təmsilçisinin əsas transfer hədəflərindən biri “Barselona”nın müdafiəçisi Ronald Arauxodur.
Bildirilir ki, 26 yaşlı Uruqvay millisinin üzvü İtaliya klubuna keçidə müsbət yanaşır və tərəflər arasında danışıqlar davam edir.
Xatırladaq ki, Arauxo 2018-ci ildə “Boston River”dən “Barselona”ya transfer olunub. Onun Kataloniya klubu ilə müqaviləsi 2031-ci ilin iyununa qədər qüvvədədir.
