“Napoli” “Qarabağ”la matç öncəsi zədə problemi yaşayır
13.11.2025 , 15:27
UEFA Çempionlar Liqasının Liqa mərhələsində “Qarabağ”ın rəqibi olan “Napoli” daha bir əsas futbolçusunu itirib.
Korner,az xəbər verir ki, klubun mətbuat xidməti yarımmüdafiəçi Frank Zambo Anqissanın zədələndiyini açıqlayıb.
Kamerun millisinin düşərgəsində olan 29 yaşlı futbolçu sol ayağının bud sümüyündən xəsarət alıb. Onun uzun müddət yaşıl meydanlardan uzaq qalacağı bildirilir.
Anqissa bu mövsüm “Napoli”nin heyətində 15 oyunda iştirak edərək 4 qol vurub və 2 məhsuldar ötürmə ilə yadda qalıb.
Neapol təmsilçisində bundan əvvəl Romelu Lukaku və Kevin De Bruyne də zədə səbəbindən sıradan çıxmışdılar.
Qeyd edək ki, “Qarabağ” – “Napoli” qarşılaşması noyabrın 26-da İtaliyada baş tutacaq.
