Namiq Ələsgərov: “Bizim üçün çox vacib oyundur”
07.08.2019 , 20:22
“Bizim üçün çox vacib oyundur. Rəqibin nə qədər ciddi olduğunu bilirik, oyunlarını analiz etmişik”.
Korner.az-ın məlumatına görə, bu sözləri “Neftçi”nin futbolçusu Namiq Ələsgərov Avropa Liqasının III təsnifat mərhələsində İsrailin “Bney Yehuda” klubu ilə ilk oyunöncəsi keçirilən mətbuat konfransında deyib.
O, qələbə qazanmaq istədiklərini bildirib:
“Sabahkı oyunda yaxşı nəticə qazanmaq üçün əlimizdən gələni edəcəyik. Bundan əvvəl ilk oyunu səfərdə keçirmişdik. Bu dəfə evdə çıxış edəcəyik. Mən də komanda kimi təlaş keçirməməyə çalışacağam ki, oyunu sakit tərzdə başa vuraq”.
“Neftçi” – “Bney Yehuda” oyunu sabah 21:00-da “Bakcell Arena”da start götürəcək.
