Türkiyənin əfsanəvi idmançısı Naim Süleymanoğlu bu gün dünyasını dəyişib
Ağırlıqqaldırma Çempionatlarında dəfələrlə Türkiyənin başını uca edən 50 yaşlı idmançı bu gün müalicə olunduğu xəstəxanada vəfat edib. İdmançı qara ciyər serrozundan əziyyət çəkirdi. Ölümünün səbəbi isə beyin qanaxması və buna bağlı olaraq yaranan ödəm olub.
Qeyd edək ki, Naim Süleymanoğlu ilk dünya rekordunu qırdığı zaman sadəcə 15 yaşında idi. 1984, 1985 və 1986 cı illərdə ağırlıqqaldırma üzrə “İlin ən yaxşı idmançısı” seçilmişdi. 8 dəfə dünya çempionu olan Naim Süleymanoğlu, 46 dəfə dünya rekordunu təzələyib. Öz kilosundan 3 dəfə artıq ağırlıq qaldıraraq tarixə qızıl hərflərlə adını yazdıran idmançı, həmçinin 1992-ci ildə Beynəlxalq Ağırlıqqaldırma Komissiyası tərəfindən “Dünyanın ən yaxşı idmançısı” adına layiq görülüb.
