“Qalatasaray”ın azarkeşlər üçün açıq məşqində maraqlı olay yaşanıb.
Korner.az-ın məlumatına görə, hazırlıq prosesinin sonuna az qalmış 5 qadın fanat meydana girib.
Onlar qapıçı Fernando Musleranı yerə yıxaraq, öpməyə başlayıblar. Təhlükəsizlik xidməti əməkdaşları xanım azarkeşləri Musleranın üzərindən aralamaqda çətinlik çəkiblər. Mühafizəçilər qadınları meydandan çıxarmaq istəyərkən, “Çıxa bilmərik, Musleranı bir də nə vaxt görəcəyik?” cavabını alıblar.
Qapıçıya sevgi nümayişinin davam etdiyini görən baş məşqçi Fatih Terim azarkeşlər üçün açıq məşqi qeyri-müəyyən müddətədək ləğv edib. O, təhlükəsizlik və məşqin problemsiz keçməsi üçün bu addımı atıb.
