Musa Qurbanlı 20-yə çatdı
31.10.2022 , 14:28
Musa Qurbanlı “Qarabağ”da 20-ci qolunu vurub.
Korner.az xəbər verir ki, 20 yaşlı hücumçu Azərbaycan Premyer Liqasının XII turunda buna nail olub. “Şamaxı” ilə səfər görüşündə (4:0) dubl edən forvard Ağdam klubundakı qol sayında 20-yə çatıb.
O, bunu 40-cı matçında rəsmiləşdirib. Musa Premyer Liqada 19, ölkə kubokunda 1 dəfə rəqib qapısına yol tapıb.
Qurbanlı ölkə çempionatlarında da 20-ci qoluna sevinib. O, bir dəfə “Zirə”də, 19 dəfə “Qarabağ”da fərqlənib. Hücumçu 38-ci oyunda buna çatıb.
Musanın həm Premyer Liqa, həm “Qarabağ”dakı ilk qolu 2020-ci il noyabrın 8-də baş tutan “Neftçi” ilə səfər qarşılaşmasına (6:0) təsadüf edib.
Musa komandanın baş məşqçisi Qurban Qurbanovun oğludur.
