.jpeg)
"Bakı"nı məğlub edə biləcəyimizə inanırdıq və belə də oldu. Qələbə münasibətiylə bütün “Mura” azarkeşlərini təbrik edirəm. Bütün çətinliklərə baxmayaraq, böyük zəhmət bahasına mərhələni keçdik. Bir sözlə, sübut etdik ki, futbolda pul hər şey demək deyil. Əsas olan istəkdi”.
Korner.az-ın məlumatına görə, bu sözləri “Mura” klubunun futbolçusu Leon Xorvat deyib. Yerli jurnalistlərə açıqlama verən futbolçu qələbəni şərh edib:
“Bakı” ilə oyunlara yaxşı hazırlaşmışdıq, rəqibi yaxşı analiz etmişdik. Komanda olaraq, bir-birimizi meydançada çox yaxşı başa düşürdük. Bundan başqa, bizim bir prinsipimiz var: hamı bir nəfər üçün, bir nəfər hamı üçün. İnanıram ki, by cür davam etsək, tezliklə daha möhtəşəm “Mura” görəcəyik. Artıq “Bakı” ilə oyunu unudub qarşıdakı oyunlara hazırlaşmaq lazımdır. Tezliklə, bizi daha güclü rəqib, Bolqarıstan MOİK-i ilə qarşılaşma gözləyir”.
Qeyd edək ki, “Mura” “Bakı”nı 2:0 hesabıyla məğlub edərək Avropa Liqasının II təsnifat mərhələsinə vəsiqə qazanıb.
