Çexiya yüksək liqasında mübarizə aparan klubların U-21 komandaları arasında təşkil olunan ölkə birinciliyində növbəti oyunlar keçirilib.
Azərbaycanlı futbolçu Rövlan Muradovun formasını geyindiyi Praqa “Slaviya”sının gənclərdən ibarət kollektivi doğma meydanda “Trineç”lə qarşılaşıb və bu oyundan məğlubiyyətlə ayrılıb – 0:1.
Rövlan bu görüşün iştirakçısı olmayıb. Ötən tur zədə alan futbolçumuzun adı qarşılaşmanın iştirak ərizəsində də yer almayıb.
“Slaviya” hazırda 9 xalla 10 komanda arasında 5-ci pillədə qərarlaşıb.
