Bundestimin hücumçusu Tomas Müller "DÇ-2014"ün 1/4 finalında qarşılaşacaqları Fransa ilə oyunöncəsi fikirlərini bölüşüb.
Korner.az–ın məlumatına görə, gənc futbolçu "DÇ-2010"la müqayisədə komandasının indi daha güclü olduğunu bildirib:
"Əlcəzairlə görüşdə xeyli səhvlərə yol verdik. Bununla belə, qələbə qazanmağı bacardıq. Məncə, "DÇ-2010"la müqayisədə indiki Almaniya daha güclüdür. Düzdür, müdafiədə müəyyən boşluqlar var. Lakin komanda sonda qələbə hesabını qoruya bilir. Fransa ilə oyuna qələbə üçün çıxacağıq".