Avropa Liqasının II təsnifat mərhələsinin ilk görüşləri çərçivəsində keçiriləcək “Makkabi” (Hayfa) – “Xəzər Lənkəran” matçını izləyənlər arasında Mübariz Mənsimov da ola bilər.
Korner.az-ın məlumatına görə, “ağ-yaşıllar”ın fəxri prezidenti İsraildəki matçda komandasını tək qoymaq niyyətində deyil. Əgər ciddi bir problem çıxmasa M.Mənsimov Hayfadakı qarşılaşmada “Xəzər Lənkəran”ın yanında olacaq.
Klubun mətbuat xidmətindən əldə etdiyimiz məlumata görə, Mənsimovun iyulun 18-də keçirilıəcək qarşılaşmaya gəlib-gəlməyəcəyi tam dəqiq deyil. Lakin hər zaman Cənub klubunun yanında olan fəxri prezidenti böyük ehtimalla səfərdəki oyunda da komandasının yanında olacaq.
Qeyd edək ki, Mübariz Mənsimov I təsnifatdakı Malta “Sliema”sı ilə hər iki görüşü tribunadan izləmişdi.
