"Xəzər Lənkəran"ın baş məşqçisi Karles Martorell Bakes komandanın fəxri-prezidenti Mübariz Mənsimovun təşəbbüsü ilə İstanbulda Türkiyənin köklü klublarından olan "Fənərbaxça" klubunun prezidenti Aziz Yıldırım və komandanın baş məşqçisi Aykut Kocaman ilə görüşüb.
Korner.az-ın klubun rəsmi saytına istinadən verdiyi məlumata görə, tərəflər birlikdə "Fənərbaxça" klubunun aşağı yaş qrupu komandasının "Qalatasaray"a qarşı keçirdiyi matçını izlədikdən sonra dəyirmi masa ətrafında "Xəzər Lənkəran" və "Fənərbaxça" arasında sıx əməkdaşlıq məsələlərini də müzakirə ediblər. Ardından qarşıda futbolçu mübadiləsi haqqında məsələ də görüşün əsas müzakirə mövzusu olub.
Gələcəkdə bu cür görüşlərin mütəmadi keçiriləcəyi nəzərdə tutulub.
