Topaz Premyer Liqasında V turun “Neftçi” – “Zirə” (1:2) oyunundan sonra təşkil edilən mətbuat klonfransında meydan sahiblərinin baş məşqçisi Tərlan Əhmədov jurnalistlərin suallarını cavablandırdı.
O, əvvəlcə matç barədə fikirlərini bildirdi:
Bu gün komandanın oyunundan razı qaldım. Hücum futbolu oynamaq istədik. Buraxdığımız səhvlərdən qollar yedik. 5 gündə gördüyümüz işlər hücum futbolu üçün yaxşıdı. Komandanın müəyyən qədər bərpası məni sevindirdi. Ancaq bundan sonra da görüləsi işlər çoxdu. Bura gəldiyim gündən fiziki və psixoloji hazırıqları qismən artırmışıq. Komandada kollektiv olaraq mübarizə məni sevindirdi. Qarşıda bizi ağır oyunlar gözləyir və bu matçlara 3 xal üçün çıxacağıq.
– Qırmızı vərəqə ilə bağlı narazılığınız var idimi?
Qırmızı vərəqə ilə bağlı narazçılığım yoxdu. İstəkli futbol olanda qırmızı vərəqə də qaçılmazdı. Təbii ki, adi epizodlardan bu arzuolunan deyil.
– Milli komandanın oyunları ilə bağlı yaranmış fasilədə komandaya gəlsəydiniz fərqli nəsə olardımı?
– Mənim bura gəlməyimdə mətbuatın da xüsusi rolu olub. Tez gəlsəydim, daha yaxşı olardı. Çünki mənim gətirdiyim tək futbolçu Rəşad Sadiqovdu. Tam heyətlə bağlı problemim çoxdu. Mövsümün əvvəlində gəlsəydim, çox futbolçular getməzdi. İstedadlı futbolçular komandanı tərk edib.
– Fiziki hazırlıq üzrə məşqçinin kimliyinə aydınlıq gəlibmi?
– Hal-hazrda axtarış gedir, söhbətlər gedir. Bir nəfər öz ölkəsində yığma komandada çalışır. Danışıqların fonunda hələ də axtrışdayıq. Mən özüm də onların iş funksiyasına baxıram. İki nəfərin təcrübəsi çoxdu, amma məvacib tələbləri həddən artıq çoxdu.
– Oyunun sonunda azarkeşlərə yaxınlaşıb nə dediniz?
– Azarkeşlərlə görüş olacaq. Həftəiçi günlərdən birində onlar görüşəcəyik, bir neçə oyunçu və mən söhbət edib dərdləşəcəyik.
– Bildirdiniz ki, tez gəlsəydiniz, bəzi futbolçular qalacaqdı. Onlar kimlərdi?
– Heç kimin adını çəkmək istəmirəm, çünki başqalarına psixoloji zərbə olmasın. Mən olmasaydım, başqa mə.qçi olsaydı, yenə başqa formada komanda formalaşardı. Elşən Abdullayev, Araz Abdulayev və Cavid İmamverdiyev komandadan getməyinə icazə verməzdim.
– Növbəti oyunöncəsi komandanın durumu nə yerdədi? Hansı dəyişikliklər olacaq?
– İndidən hansısa dəyişiliyi deyə bilmərəm. İşmizi davam etdirəcəyik. Elnur sabahdan fərdi məşq edəcək və sonra komandaya qoşulacaq. Mirabdullanın Səlahtin və Elnurun tam bərpa olmaması, Emin Mahmudov məsləsinin aydın olmaması bizə problem yaaradır. Əlimizdə nə varsa, ondan istifadə edəcəyik. Biz oyundan-oyuna artırmaq istəyirk. “Qəbələ” və “İnter”lə çətin səfərlərkimiz var. Bu iki oyundan xallar götürmək istəyirik.
